Powermedia.info | KSGEA News & Updates (ksgea)

ಸ್ವಇಚ್ಛಾ ನಿವೃತ್ತಿ ಕೋರಿಕೆ ಸಲ್ಲಿಕೆ ನಿಯಮ ಏನು ?  ನಾನು ಸರ್ಕಾರಿ ನೌಕರನಾಗಿದ್ದು , ಕಳೆದೊಂದು ವರ್ಷದಿಂದ ಅಶಿಸ್ತಿನ ಕ್ರಮವಾಗಿ ಶಿಸ್ತು ಪ್ರಾಧಿಕಾರಿಯವರು ನನ್ನನ್ನು ಅಮಾನತ್ತಿನಲ್ಲಿಟ್ಟಿದ್ದಾರೆ . ಆದರೆ , ನಾನು 20 ವರ್ಷ ಸೇವೆ ಪೂರೈಸಿರುವುದರಿಂದ ಸ್ವಇಚ್ಛಾ ನಿವೃತ್ತಿ ಕೋರಿಕೆ ಸಲ್ಲಿಸಲು ಬಯಸಿದ್ದೇನೆ . ನನ್ನ ಈ ಅಮಾನತ್ತಿನ ಅವಧಿಯನ್ನು ಏನೆಂದು ಪರಿಗಣಿಸಲಾಗುತ್ತದೆ ? - ಬಾಲಾಜಿ ರಾವ್ ಬೆಳಗಾವಿ . ಸರ್ವೋಚ್ಚ ನ್ಯಾಯಾಲಯವು ಆರ್.ಎಸ್ . ನಾಯಕ್ ವಿರುದ್ಧ ಕರ್ನಾಟಕ ರಾಜ್ಯ 1982 ( 1 ) ರ ಪ್ರಕರಣದಲ್ಲಿ ಅಮಾನತ್ತಿನಲ್ಲಿರುವ ಸರ್ಕಾರಿ ನೌಕರ ಸ್ವಇಚ್ಛಾ ನಿವೃತ್ತಿ ಕೋರಿದಾಗ ಅದನ್ನು ಅಂಗೀಕರಿಸಿ , ಶಿಸ್ತು ಕ್ರಮ ಕೈಬಿಟ್ಟರೆ ಆಗ ಅಮಾನತ್ತಿನ ಅವಧಿಯನ್ನು ಕರ್ತವ್ಯದ ಅವಧಿಯೆಂದು ಪರಿಗಣಿಸಲು ಸೂಚಿಸಲಾಗಿರುತ್ತದೆ . ಹಾಗಾಗಿ ನೀವು ಸ್ವಇಚ್ಛಾ ನಿವೃತ್ತಿಗೆ ಕರ್ನಾಟಕ ಸರ್ಕಾರಿ ಸೇವಾ ನಿಯಮಾವಳಿಯ ನಿಯಮ 285 ( 1 ) ರ ಮೇರೆಗೆ 3 ತಿಂಗಳ ಮುಂಚೆಯೇ ಕೋರಿಕೆ ಸಲ್ಲಿಸಬಹುದು . ನಿಮ್ಮ ಕೋರಿಕೆ ಅಂಗೀಕರಿಸಿದರೆ ನಿಮ್ಮ ಅಮಾನತ್ತಿನ ಅವಧಿಯನ್ನು ಕರ್ತವ್ಯವೆಂದು ಪರಿಗಣಿಸಿ ನಿವೃತ್ತಿ ವೇತನ ಸೌಲಭ್ಯ ನೀಡಬಹುದು . ಹೆಚ್ಚಿನ ವಿವರಗಳಿಗೆ ಎಂ.ಉಮೇಶ್ ಅವರ ' ಸಿಸಿಎ ನಿಯಮಾವಳಿ ಸಮಗ್ರ ಕೈಪಿಡಿ ' ಪುಸ್ತಕ ನೋಡಬಹುದು .  ಲೇಖಕರ ಪುಸ್ತಕ ಹಾಗೂ ಸಿ.ಎಲ್.ಟಿ. ಅಣಕು ಪರೀಕ್ಷೆಗಾಗಿ 9902135813 ಗೆ ವಾಟ್ಸ್ ಆಪ್ ಮಾಡಿ ಹಾಗೂ...

ದಿನಾಂಕ: 25-02-2022 ರಂದು ಮಾನ್ಯ ಮುಖ್ಯಮಂತ್ರಿಗಳ ಗೃಹ ಕಛೇರಿ ಕೃಷ್ಣದಲ್ಲಿ ಮಾನ್ಯ ಮುಖ್ಯಮಂತ್ರಿಗಳಾದ ಶ್ರೀ ಬಸವರಾಜ ಬೊಮ್ಮಾಯಿ ಅವರೊಂದಿಗೆ ನಡೆದ ಆಯವ್ಯಯ ಪೂರ್ವಭಾವಿ ಸಭೆ. 2022-23 ನೇ ಸಾಲಿನ ಆಯವ್ಯಯ ಪೂರ್ವಭಾವಿ ಸಭೆಯಲ್ಲಿ ಮಾನ್ಯ ಮುಖ್ಯ ಮಂತ್ರಿಗಳೊಂದಿಗೆ ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ರಾಜ್ಯಾಧ್ಯಕ್ಷರಾದ ಶ್ರೀ ಸಿ.ಎಸ್. ಷಡಾಕ್ಷರಿವರು ಹಾಗೂ ಪದಾಧಿಕಾರಿಗಳ ನಿಯೋಗವು ಭಾಗವಹಿಸಿ ಕೇಂದ್ರ ಮಾದರಿಯ ವೇತನ ಜಾರಿ ಹಾಗೂ ಎನ್.ಪಿ.ಎಸ್. ರದ್ದುಗೊಳಿಸುವ ಸಂಬಂಧ ಅಂಕಿ-ಅಂಶಗಳೊಂದಿಗೆ ಪ್ರಸ್ತಾವನೆಯನ್ನು ಮಂಡಿಸಿದರು. ರಾಜ್ಯ ಸರ್ಕಾರಿ ನೌಕರರಿಗೆ ಕೇಂದ್ರ ಮಾದರಿ ವೇತನ ಪರಿಷ್ಕರಣೆಗಾಗಿ    “ಅಧಿಕಾರಿಗಳ ವೇತನ ಸಮಿತಿ” ರಚಿಸಲು ತಾತ್ವಿಕ ಒಪ್ಪಿಗೆ ಸೂಚಿಸಿ, ಆಯವ್ಯಯದಲ್ಲಿ ಪ್ರಸ್ತಾಪಿಸುವ ಭರವಸೆಯನ್ನು ನೀಡಿದರು. • ಇತ್ತೀಚಿಗೆ ರಾಜಸ್ಥಾನ ಸರ್ಕಾರವು ನೂತನ ಪಿಂಚಣಿ ಯೋಜನೆಯನ್ನು ರದ್ದುಗೊಳಿಸಿ ನಿಶ್ಚಿತ ಪಿಂಚಣಿ ಯೋಜನೆಯನ್ನು ಜಾರಿಗೊಳಿಸಲು ಘೋಷಿಸಿದ್ದು, ಅದರಂತೆ ಅಧ್ಯಯನ ನಡೆಸಿ ಒ.ಪಿ.ಎಸ್. ಜಾರಿಗೆ ತರುವ ಬಗ್ಗೆ ಅಗತ್ಯ ಕ್ರಮ ಕೈಗೊಳ್ಳಲಾಗುವುದೆಂದು ತಿಳಿಸಿದರು. • ಕರ್ತವ್ಯ ನಿರತ ಸರ್ಕಾರಿ ಅಧಿಕಾರಿ/ನೌಕರರ ಮೇಲಿನ ಹಲ್ಲೆಗಳನ್ನು ನಿಯಂತ್ರಿಸಲು ಹಾಲಿ ಇರುವ ಕಾಯ್ದೆಗೆ ತಿದ್ದುಪಡಿ ತಂದು ಜಾಮೀನುರಹಿತ ಬಂಧನದಂತಹ ಕಠಿಣ ಕಾನೂನನ್ನು ಜಾರಿಗೆ ತರುವ ಭರವಸೆ ನೀಡಿದರು. • ನೌಕರರುಗಳ...

ಅಮಾನತು ನಿಯಮಾವಳಿ ಏನು ?  ನಾನು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯಿಂದ ಬೆಂಗಳೂರು ಮಹಾನಗರ ಪಾಲಿಕೆಗೆ ನಿಯೋಜನೆ ಮೇರೆಗೆ ಆರೋಗ್ಯ ನಿರೀಕ್ಷಕನಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದೇನೆ 2019 ರ ಜು .5 ರಿಂದ ಬಿಬಿಎಂಪಿ ಆಯುಕ್ತರು ನನ್ನನ್ನು ಕರ್ತವ್ಯದಿಂದ ಅಮಾನತುಗೊಳಿಸಿದ್ದಾರೆ . ಇದು ನಿಯಮಾವಳಿ ರೀತ್ಯ ಸರಿಯೇ ? ನನ್ನ ಮಾತೃ ಇಲಾಖೆ ಅನುಮತಿ ಬೇಕಿಲ್ಲವೇ ? | ರಾಜೇಶ್ ಬೆಂಗಳೂರು  ಕರ್ನಾಟಕ ಸರ್ಕಾರಿ ಸೇವಾ ( ಸಿಸಿಎ ) ನಿಯಮಾವಳಿಯ ನಿಯಮ 15 ( 2 ) ( ಬಿ ) ( ಜಿಜಿ ) ರ ಮೇರೆಗೆ ಬೆಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ ನಿಯೋಜನೆ ಮೇಲೆ ಕರ್ತವ್ಯ ನಿರ್ವಹಿಸುತ್ತಿರುವ ಬಿ , ಸಿ ಮತ್ತು ಡಿ ಗುಂಪಿನ ಸರ್ಕಾರಿ ನೌಕರನನ್ನು ಮಾತೃ ಇಲಾಖೆಯ ಪೂರ್ವಾನುಮೋದನೆ ಇಲ್ಲದೆ ಪಾಲಿಕೆ ಆಯುಕ್ತರು ಅಮಾನತು ಮಾಡಬಹುದು . ಹಾಗಾಗಿ ಪಾಲಿಕೆ ಆಯುಕ್ತರು ಕೈಗೊಂಡ ಕ್ರಮ ನಿಯಮಬದ್ಧವಾಗಿರುತ್ತದೆ . ಹೆಚ್ಚಿನ ವಿವರಗಳಿಗೆ ಎಂ.ಉಮೇಶ್ ಅವರ ' ಸಿಸಿಎ ನಿಯಮಾವಳಿ ಸಮಗ್ರ ಕೈಪಿಡಿ ' ಪುಸ್ತಕ ನೋಡಬಹುದು.  ಲೇಖಕರ ಪುಸ್ತಕ ಹಾಗೂ ಸಿ.ಎಲ್.ಟಿ. ಅಣಕು ಪರೀಕ್ಷೆಗಾಗಿ 9902135813 ಗೆ ವಾಟ್ಸ್ ಆಪ್ ಮಾಡಿ ಹಾಗೂ ಶೇ.15% ರಷ್ಟು ರಿಯಾಯಿತಿ ಪಡೆಯಿರಿ.

ವೇತನ ರಕ್ಷಣೆ ಪಡೆಯುವ ನಿಯಮ ಪ್ರೌಢಶಾಲಾ ಶಿಕ್ಷಕನಾಗಿರುವ ನಾನು , ಇಲಾಖೆಯಿಂದ ಉಪನ್ಯಾಸಕರ ಹುದ್ದೆಗೆ ಅರ್ಜಿ ಸಲ್ಲಿಸಿದ್ದೇನೆ . ಪ್ರಸ್ತುತ ನನ್ನ ಮೂಲ ವೇತನ 47,650 ರೂ . ಆಗಿದ್ದು , ಪದವಿಪೂರ್ವ ಕಾಲೇಜಿನ ಪ್ರಾರಂಭಿಕ ಮೂಲ ವೇತನ 44,600 ರೂ . ಆಗಿರುವುದರಿಂದ ವೇತನ ರಕ್ಷಣೆ ಪಡೆಯುತ್ತೇನೆಯೇ ? ಅಥವಾ ಉಪನ್ಯಾಸಕರ ಪ್ರಾರಂಭಿಕ ವೇತನ ಪಡೆಯುತ್ತೇನೆಯೇ ? | ಚವ್ಹಾಣ್ ಎಂ . ಯಾದಗಿರಿ  ಕರ್ನಾಟಕ ಸರ್ಕಾರಿ ಸೇವಾ ನಿಯಮಾವಳಿಯ ನಿಯಮ 41 ಎ ಮೇರೆಗೆ ನಿಮಗೆ ವೇತನ ರಕ್ಷಣೆ ಲಭ್ಯವಾಗುತ್ತದೆ . ಹಾಗಾಗಿ ನಿಮ್ಮ ಮೂಲ ವೇತನವನ್ನು ಪದವಿಪೂರ್ವ ಶಿಕ್ಷಣ ಇಲಾಖೆಯ ಕನಿಷ್ಠ ವೇತನ ನಿಗದಿ ಮಾಡದೆ ಪ್ರೌಢಶಾಲೆಯಲ್ಲಿ ಪಡೆಯುತ್ತಿದ್ದ 47,650 ರೂ.ಗೆ ನಿಗದಿಪಡಿಸಲಾಗುತ್ತದೆ . ಆದುದರಿಂದ ನೀವು ಈ ನಿಯಮಾನುಸಾರ ವೇತನ ರಕ್ಷಣೆ ಯನ್ನು ಕೋರಿ ನಿಮ್ಮ ನೇಮಕಾತಿ ಪ್ರಾಧಿಕಾರಕ್ಕೆ ಅರ್ಜಿ ಸಲ್ಲಿಸಬಹುದು . ಹೆಚ್ಚಿನ ವಿವರಗಳಿಗೆ ಇದೇ ಲೇಖಕರ ' ಕರ್ನಾಟಕ ಸರ್ಕಾರಿ ಸೇವಾ ನಿಯಮಗಳು ' ಪುಸ್ತಕ ನೋಡಬಹುದು .  ಲೇಖಕರ ಪುಸ್ತಕ ಹಾಗೂ ಸಿ.ಎಲ್.ಟಿ. ಅಣಕು ಪರೀಕ್ಷೆಗಾಗಿ 9902135813 ಗೆ ವಾಟ್ಸ್ ಆಪ್ ಮಾಡಿ ಹಾಗೂ ಶೇ.15% ರಷ್ಟು ರಿಯಾಯಿತಿ ಪಡೆಯಿರಿ.

ತಡವಾಗಿ ಪಾವತಿಯಾದ ಪಿಂಚಣಿ, ಉಪದಾನ ಹಾಗೂ ಗಳಿಕೆ ರಜೆ ನಗದೀಕರಣ ಇವುಗಳ ಮೇಲಿನ ಬಡ್ಡಿದರವನ್ನು ಪರಿಷ್ಕರಿಸುವ ಬಗ್ಗೆ. ,  ಲೇಖಕರ ಪುಸ್ತಕ ಹಾಗೂ ಸಿ.ಎಲ್.ಟಿ. ಅಣಕು ಪರೀಕ್ಷೆಗಾಗಿ 9902135813 ಗೆ ವಾಟ್ಸ್ ಆಪ್ ಮಾಡಿ ಹಾಗೂ ಶೇ.15% ರಷ್ಟು ರಿಯಾಯಿತಿ ಪಡೆಯಿರಿ.

ರಜೆ ಅವಧಿಯ ವೇತನ ನಗದೀಕರಣ ಹೇಗೆ? ಅನಾರೋಗ್ಯ ನಿಮಿತ್ತ ನಾನು ಎರಡು ತಿಂಗಳು ವೈದ್ಯಕೀಯ ರಜೆ ತೆಗೆದುಕೊಂಡು ಮತ್ತೆ ಕೆಲಸಕ್ಕೆ ಹಾಜರಾಗಿದ್ದೇನೆ . ರಜೆ ಅವಧಿಯ ವೇತನವನ್ನು ಕೆಲ ಕಾರಣಗಳಿಂದ ನಗದೀಕರಿಸಿರುವುದಿಲ್ಲ . ನನ್ನ ಸೇವೆ 35 ವರ್ಷ ಮುಗಿದಿದ್ದು , ನಿವೃತ್ತಿಯಾಗಲು 8 ತಿಂಗಳು ಬಾಕಿ ಇದೆ . ಹೀಗಿರುವಾಗ ರಜೆ ಅವಧಿಯ ವೇತನವನ್ನು ನಗದೀಕರಿಸಿದರೆ , ನನ್ನ ಸೇವಾ ಅವಧಿಯಲ್ಲಿ 2 ತಿಂಗಳು ಕಡಿಮೆಯಾಗುತ್ತದೆಯೇ ? | ರಾಮೇಗೌಡ ಮೈಸೂರು. ಕರ್ನಾಟಕ ಸರ್ಕಾರಿ ಸೇವಾ ನಿಯಮಾವಳಿಯ ನಿಯಮ 292 ಜಿ ಮೇರೆಗೆ ನಿವೃತ್ತಿ ಉಪದಾನ ಪಡೆಯಲು ಗರಿಷ್ಠ 33 ವರ್ಷ ಸಾಕೆಂದು ದಿನಾಂಕ 4.5.2019 ರ ಸರ್ಕಾರಿ ಅಧಿಕೃತ ಜ್ಞಾಪನ ಸಂಖ್ಯೆ ಎಫ್‌ಡಿ 2 , ಎಸ್‌ಆರ್‌ಎಸ್ 2019 ರ ಮೇರೆಗೆ ಸೂಚಿಸಲಾಗಿದೆ . ಈಗಾಗಲೆ ನೀವು 35 ವರ್ಷ ಸೇವೆ ಸಲ್ಲಿಸಿರುವುದರಿಂದ ನಿಮ್ಮ ಪಿಂಚಣಿಗೆ 30 ವರ್ಷ ಹಾಗೂ ನಿವೃತ್ತಿ ಉಪದಾನಕ್ಕೆ 33 ವರ್ಷಗಳನ್ನು ಪರಿಗಣಿಸಿ ಅದನ್ನು ನಿಯಮಾನುಸಾರ ಲೆಕ್ಕ ಹಾಕಿಸಿ ನೀಡಲಾಗುವುದು . ಆದರೆ , ನೀವು ಎರಡು ತಿಂಗಳ ಈ ಪಿಂಚಣಿ ಸೌಲಭ್ಯಗಳಿಗೆ ಪರಿಗಣನೆ ಆಗುವುದಿಲ್ಲ . ಹೆಚ್ಚಿನ ವಿವರಗಳಿಗೆ ಇದೇ ಲೇಖಕರ ' ಕರ್ನಾಟಕ ಸರ್ಕಾರಿ ಸೇವಾ ನಿಯಮಗಳು ' ಪುಸ್ತಕ ನೋಡಬಹುದು . .  ಲೇಖಕರ ಪುಸ್ತಕ ಹಾಗೂ ಸಿ.ಎಲ್.ಟಿ. ಅಣಕು ಪರೀಕ್ಷೆಗಾಗಿ 9902135813 ಗೆ ವಾಟ್ಸ್ ಆಪ್ ಮಾಡಿ ಹಾಗೂ ಶೇ.15% ರಷ್ಟು ರಿಯಾಯಿತಿ ಪಡೆಯಿರಿ.

ಸರ್ಕಾರಿ ನೌಕರನಿಗೆ ಇಲಾಖಾ ಪರೀಕ್ಷೆಗಳಲ್ಲಿನ ವಿಷಯ(ಪ್ರಶ್ನೆ ಪತ್ರಿಕೆ) ವಿನಾಯಿತಿ ನಿಯಮ. ನಾನು ಕಾನೂನು ಪದವೀಧರನಾಗಿದ್ದು , ಜನರಲ್ ಲಾ ಭಾಗ 1 , 2 ವಿನಾಯಿತಿ ದೊರೆಯುತ್ತದೆಯೇ ? | ಬಸವರಾಜ್ ಎಸ್ . ಕಣ್ಣೂರು ರಾಯಚೂರು 1974 ರ ಕರ್ನಾಟಕ ಸಿವಿಲ್ ಸೇವಾ ( ಸೇವಾ ಮತ್ತು ಕನ್ನಡ ಭಾಷಾ ಪರೀಕ್ಷೆಗಳು ) ನಿಯಮಾವಳಿಯ ನಿಯಮ 3 ರ ಮೇರೆಗೆ ಪ್ರತಿಯೊಬ್ಬ ಸರ್ಕಾರಿ ನೌಕರನು ಇಲಾಖಾ ಪರೀಕ್ಷೆಗಳಲ್ಲಿ ತೇರ್ಗಡೆ ಹೊಂದುವುದು ಕಡ್ಡಾಯವಾಗಿರುತ್ತದೆ . ಆದರೆ , ಕಾನೂನು ಪದವೀಧರರು ಜನರಲ್ ಲಾ ಭಾಗ 1 ರ ಪತ್ರಿಕೆ 1 , ಜನರಲ್ ಲಾ ಭಾಗ 2 ಅನ್ನು ಸಂಪೂರ್ಣವಾಗಿ ವಿನಾಯಿತಿ ಹೊಂದಿರುತ್ತಾರೆ . ಜನರಲ್ ಲಾ ಭಾಗ 1 ರ ಪತ್ರಿಕೆ 2 ಕ್ಕೆ ಮಾತ್ರ ಕರ್ನಾಟಕ ಲೋಕಸೇವಾ ಆಯೋಗವು ಇಲಾಖಾ ಪರೀಕ್ಷೆಗಳಿಗಾಗಿ ಪ್ರಕಟಿಸಿದ ಅಧಿಸೂಚನೆಯಲ್ಲಿ ತಿಳಿಸಿದಂತೆ ಅರ್ಜಿ ನಮೂನೆಯನ್ನು ಆನ್‌ಲೈನ್ ಮೂಲಕ ಸಲ್ಲಿಸುವಾಗ ಸಂಬಂಧಿತ ಅಂಕಣದಲ್ಲಿ ಈ ಬಗ್ಗೆ ವಿನಾಯಿತಿ ಕೋರಬಹುದು ಹಾಗೂ ಕಾನೂನು ಪದವಿ ಬಗ್ಗೆ ಮಾಹಿತಿ ನೀಡಿ ವಿನಾಯಿತಿ ಪಡೆಯಬಹುದು . ಹೆಚ್ಚಿನ ವಿವರಗಳಿಗೆ ಇದೇ ಲೇಖಕರ ' ಕರ್ನಾಟಕ ಸರ್ಕಾರಿ ಸೇವಾ ಕಾನೂನು ಕೈಪಿಡಿ ' ಪುಸ್ತಕ ನೋಡಬಹುದು .  ಲೇಖಕರ ಪುಸ್ತಕ ಹಾಗೂ ಸಿ.ಎಲ್.ಟಿ. ಅಣಕು ಪರೀಕ್ಷೆಗಾಗಿ 9902135813 ಗೆ ವಾಟ್ಸ್ ಆಪ್ ಮಾಡಿ ಹಾಗೂ ಶೇ.15% ರಷ್ಟು ರಿಯಾಯಿತಿ ಪಡೆಯಿರಿ.

ಸರ್ಕಾರಿ ನೌಕರನಿಗೆ ಜಾತಿ - ಆದಾಯ ಪ್ರಮಾಣಪತ್ರ ಪಡೆಯಲು ಇರುವ ನಿಯಮ. ಮುರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿ ನಾನು ಸಹಶಿಕ್ಷಕನಾಗಿದ್ದು , ನನ್ನ ಪತ್ನಿಯೂ ಪ್ರಾಥಮಿಕ ಶಾಲಾ ಶಿಕ್ಷಕಿಯಾಗಿದ್ದಾರೆ . ನನ್ನ ತಂದೆ ಹೆಸರಿನಲ್ಲಿ 4 ಎಕರೆ 30 ಗುಂಟೆ ಜಮೀನು ಇದೆ . ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಸಹಾಯಕ ಪ್ರಾಧ್ಯಾಪಕ ಹುದ್ದೆಗೆ ಅರ್ಜಿ ಸಲ್ಲಿಸಲು ನಾನು ಅರ್ಹನಿದ್ದು , ಅರ್ಜಿ ಸಲ್ಲಿಕೆಗೆ ಜಾತಿ ಮತ್ತು ಆದಾಯ ಪ್ರಮಾಣಪತ್ರ ಪಡೆಯಲು ತಾಲೂಕು ಕಚೇರಿಗೆ ನನ್ನ ವೇತನ ಪ್ರಮಾಣಪತ್ರ ಮಾತ್ರ ಅಗತ್ಯವೇ ? ಇಲ್ಲವೆ , ನನ್ನ ಪತ್ನಿಯ ವೇತನ ಪ್ರಮಾಣಪತ್ರವೂ ಅಗತ್ಯವೇ ? | ಎಂ . ಶ್ರೀಧರ್ ಹಾಸನ ಕರ್ನಾಟಕ ಅನುಸೂಚಿತ ಜಾತಿಗಳು , ಅನುಸೂಚಿತ ಬುಡಕಟ್ಟುಗಳು ಮತ್ತು ಇತರ ಹಿಂದುಳಿದ ವರ್ಗ ( ನೇಮಕಾತಿ ) ಮುಂತಾದವುಗಳ ಮೀಸಲಾತಿ ಅಧಿನಿಯಮ 1990 ರ ಪ್ರಕರಣ 4 ( ಎ ) ರಡಿ ಯಾವನೇ ಅಭ್ಯರ್ಥಿ ಅಥವಾ ಅವನ ತಂದೆ - ತಾಯಿ ಯಾವುದೇ ಸೇವೆಯಲ್ಲಿ ಅಥವಾ ಹುದ್ದೆಯಲ್ಲಿದ್ದರೆ ಅವರ ವೇತನ ಪ್ರಮಾಣಪತ್ರ ಸಲ್ಲಿಸಿ ಜಾತಿ ಮತ್ತು ಆದಾಯ ಪ್ರಮಾಣಪತ್ರ ಪಡೆಯಬೇಕೆಂದು ಸೂಚಿಸಲಾಗಿದೆ .  ಅಲ್ಲದೆ , ನೀವು ಮತ್ತು ನಿಮ್ಮ ಪತ್ನಿ ಸರ್ಕಾರಿ ಸೇವೆಯಲ್ಲಿರುವುದರಿಂದ ಇಬ್ಬರ ವೇತನ ಪ್ರಮಾಣಪತ್ರವನ್ನು ಸಲ್ಲಿಸಿ ಜಾತಿ ಮತ್ತು ಆದಾಯ ಪ್ರಮಾಣಪತ್ರ ಪಡೆಯಬಹುದು . ಸರ್ಕಾರಿ ಆದೇಶದಂತೆ ಇಬ್ಬರ ವಾರ್ಷಿಕ ಆದಾಯವು ಹಿಂದುಳಿದ ವರ್ಗಕ್ಕೆ 8 ಲಕ್ಷ ರೂ . ಮೀರುವಂತಿಲ್ಲ . ಹೆಚ್ಚಿನ ...

ಉನ್ನತ ಶಿಕ್ಷಣಕ್ಕಾಗಿ ಕಾಲೇಜು ಸೇರಲು ಅನುಮತಿ ಬೇಕೇ ? ಮೈಸೂರು ನ್ಯಾಯಾಲಯದಲ್ಲಿ ನಾನು ಬೆರಳಚ್ಚುಗಾರನಾಗಿದ್ದು , ಸಂಜೆ ಕಾಲೇಜಿನಲ್ಲಿ ಬಿ.ಕಾಂ ಪದವಿಗೆ ಸೇರಿಕೊಳ್ಳ ಬಯಸಿದ್ದೇನೆ . ಹಾಗಾಗಿ ಕಾಲೇಜು ಸೇರಲು ಇಲಾಖೆಯಿಂದ ಅನುಮತಿ ಪಡೆಯಬೇಕೇ ? | ಶ್ರೀಧರ್ ತಳವಾರ ಮೈಸೂರು ಕರ್ನಾಟಕ ಸರ್ಕಾರಿ ಸೇವಾ ನಿಯಮಾವಳಿಯ ನಿಯಮ 61 ರಂತೆ ಹಾಗೂ 2021 ರ ಕರ್ನಾಟಕ ಸರ್ಕಾರಿ ಸೇವಾ ( ನಡತೆ ) ನಿಯಮಾವಳಿಯ ನಿಯಮ 35 ರಂತೆ , ನೀವು ಸಂಜೆ ಕಾಲೇಜಿನಲ್ಲಿ ಬಿ.ಕಾಂ ತರಗತಿಗೆ ಸೇರಲು ನಿಮ್ಮ ನೇಮಕಾತಿ ಪ್ರಾಧಿಕಾರಿಯಿಂದ ಅನುಮತಿ ಪಡೆಯುವುದು ಕಡ್ಡಾಯವಾಗಿರುತ್ತದೆ . ಅಲ್ಲದೆ , ದಿನಾಂಕ 6-9-86ರ ಸರ್ಕಾರದ ಸುತ್ತೋಲೆ ಡಿಪಿಎಆರ್ 9 , ಎಸ್‌ಆರ್‌ಸಿ 86 ರ ಮೇರೆಗೆ ಸರ್ಕಾರಿ ನೌಕರ ತಾಂತ್ರಿಕ ಮತ್ತು ಶೈಕ್ಷಣಿಕ ವಿದ್ಯಾರ್ಹತೆ ಪಡೆಯಲು ಹಾಗೂ ಉನ್ನತ ವ್ಯಾಸಂಗಕ್ಕೆ ಪ್ರೋತ್ಸಾಹ ನೀಡಬೇಕೆಂದು ಸೂಚಿಸಲಾಗಿದೆ . ಹಾಗಾಗಿ ನೀವು ಕಚೇರಿ ಕೆಲಸ ಕಾರ್ಯಗಳಿಗೆ ತೊಂದರೆಯಾಗದಂತೆ ಸಂಜೆ ಕಾಲೇಜಿನಲ್ಲಿ ಬಿ.ಕಾಂ ಪದವಿಗೆ ಸೇರಲು ಅನುಮತಿಯನ್ನು ನಿಮ್ಮ ನೇಮಕಾತಿ ಪ್ರಾಧಿಕಾರಿಯಿಂದ ಪಡೆದುಕೊಳ್ಳುವುದು ಅವಶ್ಯಕ . ಹೆಚ್ಚಿನ ವಿವರಗಳಿಗೆ ಇದೇ ಲೇಖಕರ “ ಕರ್ನಾಟಕ ಸರ್ಕಾರಿ ಸೇವಾ ಕಾನೂನು ಕೈಪಿಡಿ ' ಪುಸ್ತಕ ನೋಡಬಹುದು .

ಪ್ರಭಾರಿ ಭತ್ಯೆ ದೊರಕುವುದೇ ? ಪಾಥಮಿಕ ಶಾಲಾ ಶಿಕ್ಷಕನಾಗಿರುವ ನಾನು , 5 ತಿಂಗಳಿ ನಿಂದ ಮುಖ್ಯೋಪಾಧ್ಯಾಯ ಹುದ್ದೆಯಲ್ಲಿ ಪ್ರಭಾರಿ ಯಾಗಿ ಕಾರ್ಯನಿರ್ವಹಿಸುತ್ತಿದ್ದೇನೆ . ಹಾಗಾಗಿ ನನಗೆ ಪ್ರಭಾರಿ ಭತ್ಯೆ ದೊರಕುವುದೇ ? | ನಿಸಾರ್ ಆಹ್ಮದ್ ರಾಯಚೂರು ಕರ್ನಾಟಕ ಸರ್ಕಾರಿ ಸೇವಾ ನಿಯಮಾವಳಿ ನಿಯಮ 32 ಕ್ಕೆ ಅನುಸಾರವಾಗಿ ನೀವು ಮುಖ್ಯೋಪಾಧ್ಯಾಯಹುದ್ದೆಯಲ್ಲಿ ಪ್ರಭಾರದಲ್ಲಿದ್ದರೆ ನಿಯಮ 68 ರ ಮೇರೆಗೆ ಮೊದಲ 3 ತಿಂಗಳಿಗೆ ಶೇ .7.5 ಹಾಗೂ 3 ತಿಂಗಳ ನಂತರ ಪ್ರಭಾರದಲ್ಲಿದ್ದರೆ ಮುಖ್ಯೋಪಾಧ್ಯ ಯರ ವೇತನ ಶ್ರೇಣಿಯಲ್ಲಿ ಪ್ರಭಾರ ಭತ್ಯೆ ಪಡೆಯಲು ಅರ್ಹರಾಗುತ್ತೀರಿ . ಈ ಬಗ್ಗೆ ನಿಮ್ಮ ಮೇಲಧಿಕಾರಿಗೆ ನಿಯಮ ಪ್ರಕಾರ ಅರ್ಜಿ ಸಲ್ಲಿಸಬಹುದು . ಹೆಚ್ಚಿನ ವಿವರಗಳಿಗೆ ಇದೇ ಲೇಖಕರ ' ಕರ್ನಾಟಕ ಸರ್ಕಾರಿ ಸೇವಾ ನಿಯಮಗಳು ' ಪುಸ್ತಕ ನೋಡಬಹುದು .

ನಿಯೋಜನೆ ಬಿಡುಗಡೆ ನಿಯಮವೇನು ? ನಾನು ಕಂದಾಯ ಇಲಾಖೆಯಲ್ಲಿ ದ್ವಿತೀಯ ದರ್ಜೆ ಸಹಾಯಕನಾಗಿದ್ದು , ಹಾವೇರಿ ಜಿಲ್ಲೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದೇನೆ . ಈಗ ವಿಜಯಪುರ ಜಿಲ್ಲೆಗೆ ನಿಯೋಜನೆ ಮೇರೆಗೆ ಆದೇಶವಾಗಿದೆ . ಆದರೂ ಹಾವೇರಿ ಜಿಲ್ಲೆಯಿಂದ ನನ್ನನ್ನು ಬಿಡುಗಡೆಗೊಳಿಸುತ್ತಿಲ್ಲ . ಹಾಗಾಗಿ ಸೂಕ್ತ ಸಲಹೆ ನೀಡಿ .- ಎಚ್.ಕೆ. ನವೀನ್ ಗದಗ - -ನಿಮ್ಮನ್ನು ಹಾವೇರಿ ಜಿಲ್ಲೆಯಿಂದ ವಿಜಯಪುರ ಜಿಲ್ಲೆಗೆ ನಿಯೋಜಿಸಿ ಸರ್ಕಾರದಿಂದ ಆದೇಶವಾಗಿದ್ದರೆ ಕರ್ತವ್ಯದಿಂದ ಬಿಡುಗಡೆಗೊಳಿಸುವುದು ಸಂಬಂಧಿತ ನೇಮಕಾತಿ ಪ್ರಾಧಿಕಾರಿಯ ಕರ್ತವ್ಯವಾಗಿರುತ್ತದೆ . ಹಾಗಾಗಿ ನಿಮ್ಮ ನೇಮಕಾತಿ ಪ್ರಾಧಿಕಾರಿಯಾದ ಜಿಲ್ಲಾಧಿಕಾರಿ ಅವರನ್ನು ಸಂಪರ್ಕಿಸಿ ಬಿಡುಗಡೆ ಆದೇಶ ನೀಡಲು ಕೋರಬಹುದಾಗಿದೆ . ಹೆಚ್ಚಿನ ವಿವರಗಳಿಗೆ ಇದೇ ಲೇಖಕರ ' ಕರ್ನಾಟಕ ಸರ್ಕಾರಿ ಸೇವಾ ನಿಯಮಗಳು ' ಪುಸ್ತಕ ನೋಡಬಹುದು .

 ಫೆಬ್ರವರಿ 19 ಮತ್ತು 20 ಕ್ಕೆ CLT ಪರೀಕ್ಷೆಯ ಸ್ಥಳವಾರು ಸ್ಲಾಟ್‌ಗಳನ್ನು ತೆರೆಯಲಾಗಿದೆ.   Computer Literacy Test Check all the products from Computer Literacy Test here  https://mydukaan.io/ksgeanews/categories/computer-literacy-test .  Feel free to call us on 9902135813 if you need any help with ordering online

ಪ್ರೊಬೇಷನರಿ ಅವಧಿಯ ನಿಯಮಾವಳಿ. ನಾನು 2021 ರ ಜೂನ್‌ನಲ್ಲಿ ದ್ವಿತೀಯ ದರ್ಜೆ ಸಹಾಯಕನಾಗಿ ಕೆಲಸಕ್ಕೆ ಸೇರಿದ್ದೇನೆ . ನಮಗಿರುವ ಪ್ರೊಬೇಷನರಿ ಅವಧಿ ಎಷ್ಟು ? ಈ ಅವಧಿಯಲ್ಲಿ ಬೇರೆ ಜಿಲ್ಲೆಗೆ ವರ್ಗಾವಣೆ ಮಾಡಿಕೊಳ್ಳಲು ಅವಕಾಶವಿದೆಯೇ ? ನಿಯೋಜನೆ ಅಥವಾ ಅನ್ಯ ಕಾರ್ಯ ನಿಮಿತ್ತ ಹೋಗಬಹುದೇ ?  -  ಜೈಶಂಕರ್ ಉಡುಪಿ. - 1977 ರ ಕರ್ನಾಟಕ ಸರ್ಕಾರಿ ಸೇವಾ ( ಪ್ರೊಬೇಷನ್ ) ನಿಯಮಾವಳಿಯ ನಿಯಮ 3 ರಂತೆ ಪ್ರೊಬೇಷನರಿ ಅವಧಿ ಎರಡು ವರ್ಷಗಳಾಗಿರುತ್ತವೆ . ಈ 2 ವರ್ಷದೊಳಗೆ ನಿಗದಿತ ಇಲಾಖಾ ಪರೀಕ್ಷೆಗಳಲ್ಲಿ ತೇರ್ಗಡೆಯಾಗದಿದ್ದರೆ ಅಥವಾ ಅನಧಿಕೃತ ಗೈರಾದರೆ ಅಥವಾ ಮತ್ಯಾವುದೋ ಕಾರಣಕ್ಕಾಗಿ ಪ್ರೊಬೇಷನರಿ ಅವಧಿಯನ್ನು 5 ವರ್ಷಗಳಿಗೆ ವಿಸ್ತರಿಸಬಹುದು . ಈ ಪ್ರೊಬೇಷನರಿ ಅವಧಿಯಲ್ಲಿ ಬೇರೆ ಜಿಲ್ಲೆಗೆ ವರ್ಗಾವಣೆ ಹೊಂದಲು ಅವಕಾಶವಿರುವುದಿಲ್ಲ . ಅಲ್ಲದೆ , ಕನಿಷ್ಠ 3 ವರ್ಷ ಸೇವೆ ಸಲ್ಲಿಸದೇ ಇದ್ದಲ್ಲಿ ಬೇರೆ ಇಲಾಖೆಗೆ ನಿಯೋಜನೆ ಮೇಲಾಗಲಿ ಅಥವಾ ಅನ್ಯ ಕಾರ್ಯ ನಿಮಿತ್ತದ ಮೇಲಾಗಲಿ ಹೋಗಲು ಬರುವುದಿಲ್ಲ . ಹೆಚ್ಚಿನ ವಿವರಗಳಿಗೆ ಇದೇ ಲೇಖಕರ ' ಕರ್ನಾಟಕ ಸರ್ಕಾರಿ ಸೇವಾ ಕಾನೂನು ಕೈಪಿಡಿ ' ಪುಸ್ತಕ ನೋಡಬಹುದು .

ರಜೆ ಮಂಜೂರಾತಿ ನಿಯಮಗಳೇನು ? ಪ್ರಶ್ನೆ ನಾನು 2020 ರಲ್ಲಿ ಸರ್ಕಾರಿ ಸೇವೆಗೆ ಸೇರಿದ್ದೇನೆ . ಈಗ ಸಿವಿಲ್ ಸರ್ವಿಸ್ ಪರೀಕ್ಷೆಗೆ ಹಾಜರಾಗಲು ಹಾಗೂ ಪೂರ್ವಭಾವಿ ತಯಾರಿಗೆ ದೀರ್ಘ ರಜೆ ಪಡೆಯಲು ಅವಕಾಶವಿದೆಯೇ ?    [ ಎನ್ . ದಿವಾಕರ್ ಬಳ್ಳಾರಿ. - ಕರ್ನಾಟಕ ಸರ್ಕಾರಿ ಸೇವಾ ನಿಯಮಾವಳಿಯ ನಿಯಮ 112 ರ ಮೇರೆಗೆ ನೀವು ವೈದ್ಯಕೀಯ ಪ್ರಮಾಣಪತ್ರ ಇಲ್ಲದೆ ಮೂರು ತಿಂಗಳು ಗಳಿಕೆ ರಜೆ ಪಡೆಯಬಹುದು . ಅದಕ್ಕಿಂತ ಹೆಚ್ಚಾದಲ್ಲಿ ನಿಮ್ಮ ರಜೆ ಮಂಜೂರಾತಿ ಪಾಧಿಕಾರದ ಅನುಮತಿ ಪಡೆದು ಮತ್ತೆ ರಜೆ ಮುಂದುವರಿಸಬಹುದು . ಇಲ್ಲದೆ ಹೋದರೆ ನಿಯಮ 117 ರ ಮೇರೆಗೆ ಅಸಾಧಾರಣ ರಜೆ ಸಹ ಪಡೆಯಬಹುದಾಗಿರುತ್ತದೆ . ಹೆಚ್ಚಿನ ವಿವರಗಳಿಗೆ ಇದೇ ಲೇಖಕರ ' ಕರ್ನಾಟಕ ಸರ್ಕಾರಿ ಸೇವಾ ನಿಯಮಗಳು ' ಪುಸ್ತಕ ನೋಡಬಹುದು .